2023/24 ਅਰਜ਼ੀਆਂ 14 ਫਰਵਰੀ-11 ਅਪ੍ਰੈਲ 2023 ਤੱਕ ਖੁੱਲ੍ਹੀਆਂ

ਸਾਡੇ 2023/24 ਪ੍ਰੋਗਰਾਮਾਂ ਵਾਸਤੇ ਅਰਜ਼ੀਆਂ 14 ਫਰਵਰੀ ਤੋਂ ਲੈਕੇ 11 ਅਪਰੈਲ 2023 ਤੱਕ ਖੁੱਲ੍ਹੀਆਂ ਹਨ।

ਸਾਡੇ ਜੂਨੀਅਰ ਅਤੇ ਵਿਕਾਸ ਪ੍ਰੋਗਰਾਮ ਸਾਰੇ ਯੂਕੇ ਵਿੱਚ ਘੱਟ-ਆਮਦਨ ਵਾਲੇ ਪਿਛੋਕੜਾਂ ਵਾਲੇ ਨੌਜਵਾਨ ਸੰਗੀਤਕਾਰਾਂ ਦੀ ਸਹਾਇਤਾ ਕਰਦੇ ਹਨ ਜਿੰਨ੍ਹਾਂ ਨੂੰ ਵਿਕਾਸ ਦੇ ਮੌਕਿਆਂ ਨਾਲ ਜੋੜਿਆ ਜਾਂਦਾ ਹੈ ਜਿਵੇਂ ਕਿ ਵਰਕਸ਼ਾਪਾਂ, ਮਾਸਟਰ-ਕਲਾਸਾਂ ਅਤੇ ਪ੍ਰਦਰਸ਼ਨ, ਅਤੇ ਸੰਗੀਤਕ ਖ਼ਰਚਿਆਂ ਵਾਸਤੇ ਵਿੱਤੀ ਸਹਾਇਤਾ।

ਮੰਗਲਵਾਰ 14 ਫਰਵਰੀ ਤੋਂ ਲੈਕੇ 11 ਅਪਰੈਲ 2023 ਤੱਕ, ਮਾਪੇ ਅਤੇ ਸੰਰੱਖਿਅਕ 2023/24 ਅਕਾਦਮਿਕ ਸਾਲ ਵਾਸਤੇ ਸਹਾਇਤਾ ਵਾਸਤੇ ਅਰਜ਼ੀ ਦੇ ਸਕਦੇ ਹਨ। ‍

‍
ਕੌਣ ਅਰਜ਼ੀ ਦੇ ਸਕਦਾ ਹੈ?

ਜੇ ਤੁਸੀਂ ਕੋਈ 18 ਸਾਲ ਤੋਂ ਘੱਟ ਉਮਰ ਦੇ ਸੰਗੀਤਕਾਰ ਹੋ ਜਿਸਨੂੰ ਸਹਾਇਤਾ ਦੀ ਲੋੜ ਹੈ – ਜਾਂ ਕਿਸੇ ਦੇ ਮਾਪੇ ਜਾਂ ਸੰਰੱਖਿਅਕ – ਤਾਂ ਤੁਹਾਨੂੰ ਅਰਜ਼ੀ ਦੇਣੀ ਚਾਹੀਦੀ ਹੈ!

ਫਿਊਚਰ ਟੈਲੇਂਟ ਦੇ ਪ੍ਰੋਗਰਾਮਾਂ ਵਿੱਚੋਂ ਕਿਸੇ ਇੱਕ ਤੋਂ ਸਹਾਇਤਾ ਲਈ ਯੋਗ ਹੋਣ ਲਈ, ਨੌਜਵਾਨ ਸੰਗੀਤਕਾਰਾਂ ਨੂੰ ਯੂਕੇ ਵਿੱਚ ਸਥਾਈ ਤੌਰ 'ਤੇ ਵਸਨੀਕ ਹੋਣਾ ਚਾਹੀਦਾ ਹੈ, 1 ਸਤੰਬਰ 2023 ਨੂੰ 18 ਸਾਲ ਤੋਂ ਘੱਟ ਉਮਰ ਦਾ ਹੋਣਾ ਚਾਹੀਦਾ ਹੈ, ਅਤੇ ਉਹ ਉਹਨਾਂ ਪਰਿਵਾਰਾਂ ਤੋਂ ਹੋਣੇ ਚਾਹੀਦੇ ਹਨ ਜਿੰਨ੍ਹਾਂ ਦੀ ਸੰਯੁਕਤ ਆਮਦਨ £32,500* ਤੋਂ ਵੱਧ ਨਾ ਹੋਵੇ।

*ਬਾਹਰ ਕੱਢਣ ਵਾਲੇ ਹਾਲਾਤਾਂ 'ਤੇ ਵਿਚਾਰ ਕੀਤਾ ਜਾਂਦਾ ਹੈ ਜਦੋਂ ਪਰਿਵਾਰਕ ਆਮਦਨ £32,500 ਤੋਂ ਵੱਧ ਹੁੰਦੀ ਹੈ – ਉਦਾਹਰਨ ਲਈ, ਜੇ ਨੌਜਵਾਨ ਸੰਗੀਤਕਾਰ ਦੇ ਮਾਪੇ(ਮਾਪੇ) ਜਾਂ ਸੰਰੱਖਿਅਕ ਬਿਮਾਰੀ, ਅਪੰਗਤਾ, ਜਾਂ ਕਿਸੇ ਪਰਿਵਾਰਕ ਮੈਂਬਰ ਨੂੰ ਸੰਭਾਲ ਪ੍ਰਦਾਨ ਕਰਾਉਣ ਕਰਕੇ ਕੰਮ ਕਰਨ ਦੇ ਅਯੋਗ ਹਨ।

ਅਰਜ਼ੀ ਫਾਰਮ ਨੂੰ ਲਾਜ਼ਮੀ ਤੌਰ 'ਤੇ ਕਿਸੇ ਮਾਪੇ ਜਾਂ ਸਰਪ੍ਰਸਤ ਦੁਆਰਾ ਭਰਿਆ ਜਾਣਾ ਚਾਹੀਦਾ ਹੈ। ‍

‍
ਮੈਨੂੰ ਕਿਹੜੇ ਪ੍ਰੋਗਰਾਮ ਲਈ ਅਰਜ਼ੀ ਦੇਣੀ ਚਾਹੀਦੀ ਹੈ?

ਸਾਡਾ ਜੂਨੀਅਰ ਪ੍ਰੋਗਰਾਮ ਨੌਜਵਾਨ ਸੰਗੀਤਕਾਰਾਂ ਦੀ ਉਹਨਾਂ ਦੀ ਸੰਗੀਤਕ ਯਾਤਰਾ ਦੇ ਸ਼ੁਰੂਆਤੀ ਬਿੰਦੂ 'ਤੇ ਸਹਾਇਤਾ ਕਰਦਾ ਹੈ, ਜਦਕਿ ਸਾਡਾ ਵਿਕਾਸ ਪ੍ਰੋਗਰਾਮ ਵਧੇਰੇ ਉੱਨਤ ਸੰਗੀਤਕਾਰਾਂ ਨੂੰ ਸਹਾਇਤਾ ਪ੍ਰਦਾਨ ਕਰਦਾ ਹੈ। ਜੂਨੀਅਰ ਪ੍ਰੋਗਰਾਮ ਨੂੰ ਵਿਕਾਸ ਪ੍ਰੋਗਰਾਮ 'ਤੇ ਅੰਤਿਮ ਸਹਾਇਤਾ ਵਾਸਤੇ ਇੱਕ ਰਸਤਾ ਬਣਨ ਲਈ ਵਿਉਂਤਿਆ ਗਿਆ ਹੈ।

ਡਿਵੈਲਪਮੈਂਟ ਪ੍ਰੋਗਰਾਮ ਦੇ ਸੰਗੀਤਕਾਰਾਂ ਨੂੰ ਆਡੀਸ਼ਨ ਦੇਣ ਦੀ ਲੋੜ ਹੁੰਦੀ ਹੈ।

ਸਾਰੇ ਬਿਨੈਕਾਰਾਂ ਨੂੰ ਦੋਨਾਂ ਪ੍ਰੋਗਰਾਮਾਂ ਵਾਸਤੇ ਵਿਚਾਰਿਆ ਜਾਵੇਗਾ, ਇਸ ਲਈ ਤੁਹਾਨੂੰ ਇਸ ਬਾਰੇ ਬਿਲਕੁੱਲ ਵੀ ਚਿੰਤਾ ਕਰਨ ਦੀ ਲੋੜ ਨਹੀਂ ਹੈ ਕਿ ਤੁਸੀਂ ਕਿਸ ਪ੍ਰੋਗਰਾਮ ਵਾਸਤੇ ਅਰਜ਼ੀ ਦਿੰਦੇ ਹੋ।

‍
ਐਪਲੀਕੇਸ਼ਨ ਪਰੋਸੈਸ ਵਿੱਚ ਤਬਦੀਲੀਆਂ

ਇਸ ਸਾਲ, ਸਾਡੀ ਸਹਾਇਤਾ ਤੱਕ ਸੁਧਾਰ ਕਰਨ ਅਤੇ ਪਹੁੰਚ ਵਿੱਚ ਵਾਧਾ ਕਰਨ ਦੀ ਕੋਸ਼ਿਸ਼ ਵਜੋਂ, ਅਸੀਂ ਸਾਡੀਆਂ ਅਰਜ਼ੀਆਂ ਦੀ ਪ੍ਰਕਿਰਿਆ ਵਿੱਚ ਬਹੁਤ ਸਾਰੀਆਂ ਵਿਵਸਥਾਵਾਂ ਕੀਤੀਆਂ ਹਨ:

ਸਾਡੇ ਨੌਜਵਾਨ ਸੰਗੀਤਕਾਰਾਂ ਦੇ ਮਾਪਿਆਂ ਤੋਂ ਮਿਲੀ ਫੀਡਬੈਕ ਅਤੇ ਵੱਖ-ਵੱਖ ਸੰਗੀਤਕ ਸੰਸਥਾਵਾਂ ਨਾਲ ਗੱਲਬਾਤ ਦੇ ਹੁੰਗਾਰੇ ਵਜੋਂ, ਅਸੀਂ ਆਪਣੀਆਂ ਐਪਲੀਕੇਸ਼ਨਾਂ ਦੀ ਮਿਆਦ ਨੂੰ ਸਾਲ ਦੇ ਸ਼ੁਰੂ ਵਿੱਚ ਹੋਣ ਲਈ ਤਬਦੀਲ ਕਰ ਦਿੱਤਾ ਹੈ। ਸਾਨੂੰ ਵਿਸ਼ਵਾਸ ਹੈ ਕਿ ਇਹ ਸੰਗੀਤ ਸਿੱਖਿਆ ਹੱਬਾਂ, ਸਕੂਲਾਂ ਅਤੇ ਹੋਰ ਸੰਸਥਾਵਾਂ ਦੇ ਸਾਡੇ ਨੈੱਟਵਰਕ ਰਾਹੀਂ ਉਹਨਾਂ ਸੰਗੀਤਕਾਰਾਂ ਤੱਕ ਸਾਡੀ ਪਹੁੰਚ ਨੂੰ ਵੱਧ ਤੋਂ ਵੱਧ ਕਰੇਗਾ ਜਿੰਨ੍ਹਾਂ ਨੂੰ ਸਾਡੇ ਸਮਰਥਨ ਦੀ ਲੋੜ ਹੈ।

ਅਸੀਂ ਅਰਜ਼ੀ ਪ੍ਰਕਿਰਿਆ ਨੂੰ ਸੁਚਾਰੂ ਬਣਾਇਆ ਹੈ ਤਾਂ ਜੋ ਵਿੱਤੀ ਜਾਣਕਾਰੀ ਅਤੇ ਦਸਤਾਵੇਜ਼ਾਂ ਦੀ ਲੋੜ ਕੇਵਲ ਅਰਜ਼ੀ ਪ੍ਰਕਿਰਿਆ ਵਿੱਚ ਬਾਅਦ ਵਿੱਚ, ਅਤੇ ਕੇਵਲ ਸ਼ਾਰਟਲਿਸਟ ਕੀਤੇ ਬਿਨੈਕਾਰਾਂ ਤੋਂ ਹੀ ਹੋਵੇਗੀ, ਜਿਸ ਨਾਲ ਐਪਲੀਕੇਸ਼ਨ ਨੂੰ ਸਮੁੱਚੇ ਤੌਰ 'ਤੇ ਘੱਟ ਸਮਾਂ-ਖਪਤ ਕਰਨ ਵਾਲਾ ਬਣਾਇਆ ਜਾ ਸਕੇ।

ਅੰਤ ਵਿੱਚ, ਸਾਡਾ ਐਪਲੀਕੇਸ਼ਨ ਫਾਰਮ ਹੁਣ ਪਹਿਲਾਂ ਨਾਲੋਂ ਕਿਤੇ ਵੱਧ ਪਹੁੰਚਯੋਗ ਹੋ ਗਿਆ ਹੈ। ਈਮੇਲ ਅਤੇ ਫ਼ੋਨ ਰਾਹੀਂ ਪ੍ਰਦਾਨ ਕੀਤੀ ਸਹਾਇਤਾ ਦੇ ਨਾਲ, ਔਨਲਾਈਨ ਅਤੇ ਔਫਲਾਈਨ ਦੋਨਾਂ ਵੰਨਗੀਆਂ ਵਿੱਚ ਉਪਲਬਧ, ਇਹ ਫਾਰਮ ਅੰਗਰੇਜ਼ੀ ਅਤੇ ਵੈਲਸ਼ ਭਾਸ਼ਾ ਦੋਨਾਂ ਵਿੱਚ ਹੀ ਉਪਲਬਧ ਹੋਵੇਗਾ। ‍‍

ਅਰਜ਼ੀਆਂ ੧੪ ਫਰਵਰੀ ਨੂੰ ਦੁਪਹਿਰ ੧੨੦੦ ਵਜੇ ਖੁੱਲ੍ਹਣਗੀਆਂ ਅਤੇ ੧੧ ਅਪ੍ਰੈਲ ੨੦੨੩ ਤੱਕ ਖੁੱਲ੍ਹੀਆਂ ਰਹਿਣਗੀਆਂ।

ਅਰਜ਼ੀ ਸਬੰਧੀ ਸੇਧਾਂ ਪੜ੍ਹੋ ਅਤੇ ਏਥੇ ਅਰਜ਼ੀ ਦਿਓ।